!!تعالى اقولك ازاى تفرشي سريــ المودرن ــــــــرك!!

!!تعالى اقولك ازاى تفرشي سريــ المودرن ــــــــرك!!

فى الاول كده اقولكوا انا ان شاء الله ناويه اعمل سريري زى الاخوه اللى

جايين دول

بس المودرن زى ما انتوا شايفين كده دماغ لوحده

المهم كل بقى ما اختكوا الغلبانه تاخد بعضها وتنزل تسأل
البياع على حاجات سيمبل الراجل يقعد يقولى انتى عروسة ياأنسه ليه
بتعملى فى نفسك كده خدي مطرز
واقوله عايزه حاجه مطبوعه هادى
يجبلى مشجر مشجر لحد مخنقت نص بيعين مصر
وقريت فتوكه ربنا يجزيها خير بتقول انها بتنزل تفصل
طبعا انا قولت استحاله اصلا الاقى اللى فى دماغى فى القماش وبعدين فى

الوكاله او الازهر (الحمزاوى) ومودرن ازاى
انسفوا بقى الجمله اللى فوق دي
اصل انا نزلت واتصدمت
بجد فى حاجات حلوه هناك
والاجمد من كده البياعين اختكوا داخله عليهم وبتقولهم عايزه قماش يمشي معا بعضه
الراجل يقولى قصدك يا انسه Matching
معظم قماش الملايات هتلاقوا هناك
نتفرج شويه طيب وعلى فكره
المحلات هناك عندها كتالوج صور تشوفي شكل الملايه ايه بعد التفصيل
والاسعار حسب وطبعا فيه فصـــــــال ممكن يبقى اقل او اكتر وعلى فكره

الفصال مش صعب انتى بس اقنعي ان الحاجه ولا فرقه يعني وسيبه وامشى

العادى زى ده المتر ب14 مش فاكره عامريه ولا ايه
دي الملايه واللى تحتها الماتشينج المخدات

دي واحده تانيه

ودي وهما سوا سوا

قماش العامريه المتر من 18 ل 22 زى ده او اقل مش اكتـــــــر

كل واحده عليها المخدات الماتشينج بتاعتها

التركي المتر من 22 ل 25 زى ده وفي اشكال اكتر واحلى بكتيييييييير
(للاسف احسن الاشكال وخامته مش اووى)

الاسباني والايطالى المتر من 34 ل 40
برضه فى اشكال احلى بس معرفتش اصور
وقماشه حلو بجد

ملحوظه صورالملايات كلها من المحلات اللى هناك مش من موضوع حد

هتقولولى هنعمل ايه بالقماش
اقولكوا بيفصلوا هناك وانتى واقفه
ب 7 جنيه اقصى حاجه الملايه الكبيره لوقلك اكتر اقوليلي لأ 7 لا 7 ونص
وبس او لو حد عندك بيعرف يفصل الملايات


طيب المقاسات

الملايه سرير160 سم بتاخد 240 سم ملايه والماتشينج بتاعها 160 سم

مخدات(مخده كبيره واتنين صغيرين)

وفيه ناس كمان بتجيب قماش وتعملوا لحاف بس مجربتش
عارفين انا شفت يابنات ملايه ب 170 جنيه فى هوم سنتر قماشها ب14
جنيه ده غير اسعار الملايات التركي والحاجات التانيه ونفس الخامات والرسومات
ملحوظه تانيه عشان منساش

القماش كله صيني ماعدا العامريه والله اعلم

برضه خدوا معاكوا حد بيفهم فى القماش انا عن نفسي ماما معجبهاش التركي خالص

وعجبها العامريه والاسباني والايطالى

طيب نرجع مرجعونا للسرير المودرن
انا الاول قررت انى هفرشه ساده او مقلم بس بعد كده حسيت انه هيبقى ممل
كله ساده
فقررت انوع بين تلات حاجات

الاول:- ساده اومقلم اومطبوع منه فيه نفس اللون متره (ب 20 على فكره)

مع مخدات ملونه وبتاعه زى الشريطه الكحلي دي معرفش اسمها ايه اصلا

انا جبت متر قماش اللى تحت ده وقلت اجرب
هو هنا مش واضح بس هحاول اجبهلكوا لما اعمله

الثانى :- مشجر بس بنظام المتشينج زي اللى شوفناه فوق

الثالث :- المطرز فيه بنوتات كتير جابوه ومش عجبهم عشان مش مودرن
ممكن كل واحده تفرشه بالشكل اللى بتحبه ويدي مودرن
مثلا نفرش واحده ساده وفوقها مطرز زي كده

او كلها مطرز ونعمل فوقها اي حركه زي كده
او شوفوا انتوا ايه ممكن يتعمل

او
بدل ما التطريز فى الجنب نخليه من تحت عشان السرير المودرن ملوش جنب اصلا كله بيبقى تحت المرتبه
زي كده

الملايات المطرزه مش هتلاقوا قماشها
بس هتلاقوها بتتباع جاهزه فى الحناوى اللى فى الغوريه
على فكره الحناوى اسعاره بجد ارخص من اى مكان شفته بس كله عنده مطرز
هو ورا عوف فى شارع كده اسئلوا عليه
وهناك فى كذا واحد حناوى وفى كمان واحد لتحت اسألو عليه
انا لما روحت كان فيه واحد هناك ملتحي كده محترم اووووى وبيفرجك كذا حاجه
و بالمناسبه كوفريتة السروجي ب 340 وتوكيلها فى الغوريه عشان لو فيه حد عايز يجبها

دي هديه العدد بقى
فكره لمفرش السفره المودرن

ده مفرش قماش بتجيبوا القماش من برنت شوب متره ب34
بتجيبو متر وبتفصلوا زى ما بتحبو
للى ميعرفش برنت شوب ده محل اقمشه مودرن موجود فى كذا حته
صور المفرش من النت

طبعا بقى الاهم من ده كله اننا منرهقش اهلنا معانا وكل واحد يجيب على قد ظروفه
مش معانا اننا عرايس نقعد نجيب ولأ كأننا اخر مره هنشتري فى حياتنا
بالعكس انا كل مابنزل بلاقي موديلات احلى واجدد
يعني ممكن شويه بشويه ونجدد بعدين

وممكن كمان بأفكار بسيطه ولمساتك الحاجه تبقى اشيك مش موضوع فلوس
وبس وتغيري كمان فى الحاجه يعني المخدات بتمشي معا ملايات تانيه عشان

ومش لازم يبقى كله غالى من ده ومن ده من هوم سنتر على الغوريه وهكذا
المهم الذوق
وكلو كوم وحوار السيل ده كوم نعرفه امتى هيوفر جامد ونكتب اللى بنجيبه عشان
منكررش الحاجه انا بقى كنت خايبه فى الموضوع ده واتعلمته من فتكات

ومش لازم كمان اعداد المهم الحاجه تبقى حلوه وعجباكي ومقتنعه بيها
انا عن نفسي مش هجيب مفرش الصباحيه ده